Opozita Shqiptare akuzon pushtetin: Në vend të lëvdatave Qeveria duhet të japë llogari për autostradën Kërçovë-Ohër

Edhe një dëshmi se Qeveria aktuale e në veçanti partneri shqiptar në koalicion, Bashkimi Demokratik për Integrim, tanimë përveç përgjegjësisë, nuk kanë as turp. Ministri i transportit dhe lidhjeve Bllagoja Bovarski dhe Drejtori i NP për Rrugë Shtetërore Ejup Rustemi, sot tentuan të mburren edhe me një dështim tjetër që filloi me Qeverinë e kaluar VMRO-BDl dhe po vazhdon me Qeverinë aktuale LSDM-BDl. Koalicioni Aleanca për Shqiptarët dhe Alternativa, vlerëson se në vend të promovimit, partitë në Qeveri sot duhet të japin llogari dhe të mbajnë përgjegjësi për të gjitha dështimet në autostradën Kërçovë-Ohër.

Kjo autostradë me gjatësi prej 57 kilometrash, me vlerë prej 598 milion euro, filloi në vitin 2014 dhe sot pas 7 viteve është arritur vetëm 62% përparim në realizimin e punimeve. Në Qershor përfundon afati plotësues, ndërsa Qeveria paralajmëron edhe një propozim për aneks marrëveshje për vazhdimin e afatit, për një kohë që tanimë askush nuk është në gjendje ta planifikojë me saktësi. Deri më tani nga 70 projekte infrastrukturore për ndryshimin e trasesë, janë miratuar vetëm 20 dhe Grubi bashkë me ministrat e tjerë vazhdon të gënjejë qytetarët dhe këtë ta prezantojë si sukses.

Pyesim publikisht kryeministrin Zoran Zaev: ku mbeti drejtësia për, citojmë “kгiminalitetin dhe koггupsionin” në këtë projekt, që e denonconte përmes bisedave të përgjuara. A do të përfundojë edhe ky rast me anmesti dhe partneritet me kгimin, siç përfunduan të gjitha rastet e tjera deri më tani?

Be the first to comment on "Opozita Shqiptare akuzon pushtetin: Në vend të lëvdatave Qeveria duhet të japë llogari për autostradën Kërçovë-Ohër"

Leave a comment

Your email address will not be published.


*