Deputetja e VV-së me dedikim special për babain e saj

Dita e Baballarëve shënohet në të dielën e tretë të muajit qershor në SHBA. Urime të shumta e dedikime emocionale janë bërë sot për njeriun e veçantë në jetën e secilit prej nesh, babain, shkruan “Kosovarja”. Në këtë ditë nuk munguan as postimet e shumta në rrjete sociale të fytyrave publike, që zgjodhën fjalët më të mira për të uruar baballarët. Shefja e grupit parlamentar të VV-së, Mimoza Kusari përmes një postimi në Facebook i ka dërguar babait të saj një falenderim publik.

Shkrimi i plotë (pa ndërhyrje):

“E diela e tretë e Qershorit shënon në SHBA dhe në 111 shtete tjera ditën e Baballarëve. Shënim ky që njeh dashurinë dhe angazhimin në lidhjen prindërore të fëmiut me Babain. Pashmangshëm sot reflektoj në mbështetjen, besimin dhe kujdesin e Babit për ne tri vajzat e tij dhe djalin. Ai ishte i vetëdijshëm se sfida e tij kryesore ishte me vajzat, të rriteshin, të shkolloheshin dhe të ishin të pavarura në jetë. Kur më erdhi koha e studimeve, Babi më tha: më e rëndësishmja për mua është edukimi dhe pavarësia e vajzave të mia. Nuk kam brengë kur martoheni, por dua të di që jeni të pavarura dhe të zonjat e vetes. Sot gati 30 vite pas e shoh se ende vajzat kanë nevojë për mbështetje dhe mësim për të qenë të pavarura dhe të zonjat e vetes. Sot në ditën e Baballarëve, ne tri vajzat tuaja dhe djali, ia dolëm të jemi të pavarur dhe ty Babi të falenderojmë për kujdesin, dashurinë dhe besimin që e jape gjithë këto vite për ne. Gëzuar dita e Babait!”

Be the first to comment on "Deputetja e VV-së me dedikim special për babain e saj"

Leave a comment

Your email address will not be published.


*